Útlánareglur Lífeyrissjóðs
bankamanna.
(Samþykktar 24. nóvember
2006)
Gildissvið
Reglur
þessar taka til útlána Lífeyrissjóðs bankamanna til sjóðfélaga. Sjóðurinn veitir
sjóðfélögum lán gegn skuldabréfum tryggðum með veði í fasteign í þeim tilgangi
að ávaxta eignir sjóðsins.
Lánsréttur
2.gr.
Sjóðfélagar í starfi hjá aðildarstofnunum sjóðsins, sem hafa greitt iðgjöld til
sjóðsins í amk. 6 mánuði eða taka lífeyri hjá sjóðnum, eiga kost á að sækja um
lán hjá sjóðnum allt að kr. 25.000.000.-. Við mat á lánaréttindum skulu eldri
lán dregin frá áunnum lánsrétti.
Lán
skulu vera verðtryggð að fullu samkvæmt breytingum á vísitölu neysluverðs sem
Hagstofa Íslands auglýsir. Sjóðfélagar geta valið um að greiða lánin með jöfnum
afborgunum auk verðtryggingar eða með annutetsgreiðslum, þ.e. jöfnum greiðslum
afborgana og vaxta, auk verðtryggingar. Lánstími sjóðfélagalána er 5 til 40 ár.
Stjórn sjóðsins er heimilt að ákveða að lán megi vera afborgunarlaus fyrstu 2 ár
lánstímans.
Veðtrygging
3.gr.
Lán er
veitt gegn veði í íbúðarhúsnæði. Leyfð eru önnur lán á undan láni frá sjóðnum,
en hvorki fjárnám né lögtök. Lán sjóðsins ásamt öðrum lánum á undan, má ekki
fara fram úr 65% af kaupverði eða matsverði sbr. 3. mgr., hvort af þessu er
lægra enda sé veðhlutfall ekki hærra en 75% af brunabótamati
húsnæðis.
Ef
veðhlutfall er hærra en 50% af brunabótamati og ekki liggur fyrir kaupsamningur,
skal undantekningarlaust framkvæma sérstakt mat á eigninni sbr. 3. mgr.
Sjóðstjórn
má hverju sinni láta matsmann sinn meta fasteign, telji hún ástæðu til þess, og
skal það ávallt gert ef um ósamþykkkt íbúðarhúsnæði er að ræða. Mat skal
framkvæmt á kostnað umsækjanda.
Húsnæði í
smíðum telst veðhæft sé lagt fram fokheldisvottorð og brunabótamatsvottorð,
ásamt verðmati sbr. 3. mgr. og skal þá miðað við veðhlutfall að hámarki 65%
matsfjárhæðar.
Ef
stjórnin telur þörf á frekari upplýsingum um fasteign, er henni jafnframt
heimilt að krefjast fyllri gagna, áður en til lánveitingar
kemur.
Mat á
greiðslugetu
4.
gr.
Ef
lántakandi er ekki eigandi fasteignar sem boðin er til tryggingar, skal
framkvæma mat á greiðslugetu umsækjanda. Jafnframt þarf eigandi hinnar veðsettu
eignar að staðfesta með undirskrift sinni að honum hafi verið kynntar
upplýsingar sem gefnar eru út af sjóðnum um þýðingu veðsetningarinnar og
yfirlýsingu þess efnis að honum hafi verið kynnt mat á greiðslugetu umsækjanda.
Lánsumsókn og
afgreiðslutími
5.
gr.
Lánsumsókn
skal skilað á eyðublaði sem sjóðurinn býður hverju sinni. Skal henni skilað til
skrifstofu sjóðsins í seinasta lagi einni viku fyrir þann fund stjórnar sem á að
fjalla um hana. Stjórn sjóðsins er heimilt að leita staðfestingar á gögnum sem
lögð eru fram með umsókn. Mikilvægt er að lánsumsóknir séu skýrar og greinagóðar
og veiti fullnægjandi upplýsingar.
Ásamt
umsókn skal skila veðbókarvottorði, staðfestingu á brunabótamati og staðfestingu
á stöðu áhvílandi lána á eigninni t.d. í formi nýjustu afborganakvittana eða
greiðslutilkynninga frá viðkomandi stofnun.
Lán er að
jafnaði afgreitt á innan við 10 vinnudögum frá því að umsókn er afgreidd á fundi
stjórnar.
Uppgreiðsla
6.gr.
Lántakanda
er heimilt að greiða lán sitt upp hvenær sem er á lánstímanum, ef hann óskar
þess, án sérstakrar þóknunar.
Lántökukostnaður og
innheimtukostnaður
7. gr.
Lántökugjald er skv. ákvörðun stjórnar, nú 0.5%.
Önnur
gjöld, svo sem vegna innheimtu og skjalagerðar greiðast samkvæmt gjaldskrá
banka.
Um ákvörðun vaxta
8. gr.
Vextir
sjóðfélagalána eru breytilegir og eru háðir ákvörðun stjórnar hverju
sinni.
Gildistaka
9. gr.
Reglur
þessar öðlast þegar gildi. Koma þær í stað útlánareglna frá 8. september
2004.