Beint á leiðarkerfi vefsins

Fréttir

28. mars 2017

Ársuppgjör 2016

Ársuppgjör Lífeyrissjóðs bankamanna fyrir árið 2016 liggur nú fyrir og er ávöxtun deilda ólík og endurspeglar ólíka fjárfestingarstefnu þeirra. Hrein nafnávöxtun Hlutfallsdeildar nam 5,3% á árinu 2016 sem samsvarar 3,3% hreinni raunávöxtun samanborið við 4,5% á árinu 2015. Í Aldursdeild nam hrein nafnávöxtun 1,9% sem samsvarar -0,12% hreinni raunávöxtun samanborið við 7,8% á árinu 2015. Í samanburði milli ára munar mestu um styrkingu íslensku krónunnar gagnvart helstu gjaldmiðlum um 15% sem olli því að ávöxtun erlendra eigna var verulega neikvæð í krónum mælt. Þá varð mikill viðsnúningur í þróun hlutabréfaverðs en Úrvalsvísitala hlutabréfa lækkaði um 9% á árinu samanborið við 43% hækkun árið 2015. Meðalraunávöxtun síðustu 5 ára er 4,4% hjá Hlutfallsdeild en 4,7% í Aldursdeild.

Rekstrarkostnaður sjóðsins, þ.e. skrifstofu- og stjórnunarkostnaður að teknu tilliti til kostnaðarþátttöku aðildarfélaga, nam 97 milljónum króna samanborið við 110,4 milljónir árið áður. Munar þar mestu um kostnað vegna starfsloka framkvæmdastjóra á árinu 2015. Rekstrarkostnaður sem hlutfall af meðalstöðu eigna var því 0,14%.

Í árslok greiddu 2.025 sjóðfélagar iðgjöld til sjóðsins, þar af 164 í Hlutfallsdeild og 1.861 í Aldursdeild. Í árslok 2015 greiddu 202 sjóðfélagi iðgjöld í Hlutfallsdeild og 1.909 í Aldursdeild eða alls 2.111. Heildariðgjöld til Hlutfallsdeildar námu 201 milljón á árinu 2016 samanborið við 209 milljónir árið áður. Í Aldursdeild námu heildariðgjöld 1.862 milljónum samanborið við 1.764 milljónir árið áður.

Heildareignir Lífeyrissjóða bankamanna námu kr. 71.259 milljónum í lok árs 2016 sem skiptast þannig að í Hlutfallsdeild voru eignir alls kr. 38.470 milljónir eða 54% og í Aldursdeild kr. 32.789 milljónir eða 46%.

Fyrir liggur tryggingafræðileg úttekt miðað við 31. desember 2016 sem sýnir að heildarskuldbindingar Hlutfallsdeildar námu 4,02% umfram heildareignir samanborið við 2,63% árið áður. Hjá Aldursdeild eru heildarskuldbindingar 3,62% umfram heildareignir samanborið við 0,47% árið áður. Auk áhrifa lægri raunávöxtunar milli ára skýrist lakari tryggingafræðileg staða af breyttum forsendum um dánar- og lífslíkur sem nú byggja á nýjum dánar- og eftirlifendatöflum útgefnum af Félagi íslenskra tryggingastærfræðinga.

Samandregnar upplýsingar um starfsemi sjóðsins má sjá hér.

Ársreikning sjóðsins í heild má sé hér.


Lífeyrismál
Lánareiknivél
Launagreiðendavefur
Sjóðsfélagavefur
Gott að vita

Hlutverk sjóðsins.

Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð  stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.


Opnunartími

Opnunartími 9:15 - 16
Lífeyrissjóður bankamanna
Skipholti 50b
105 Reykjavík
Skoða á korti >>

Toppmynd


Stjórnborð

Texti í sjálfgefinni stærð Texti í miðlungs stærð Texti í stórri stærð Hamur fyrir sjónskerta