Niðurstaða vettvangsathugunar

Fjármálaeftirlit Seðlabanka Íslands (Fjármálaeftirlitið) framkvæmdi vettvangsathugun hjá Lífeyrissjóði bankamanna í desember 2019 þar sem skoðað var innra eftirlitskerfi og stjórnarhættir sjóðsins.

Kemur fram að ekki séu gerðar athugasemdir við fjárfestingarferli sjóðsins. Þær athugasemdir sem settar eru fram varða skjalfestingu innri ferla áhættustýringar, framsetningu tiltekinna atriða í áhættu- og  hættustýringarstefnu, greiningu og eftirlit með rekstraráhættu auk verkferla og verklags vegna eigin hættumats.

Telur stjórn sjóðsins að um gagnlegar ábendingar sé að ræða sem tekið verður tillit til við framkvæmd úrbóta á næstunni.

Niðurstöðuna má finna í gagnsæistilkynningu sem birt var í dag á heimasíðu Seðlabanka Íslands.