Réttindabreyting í Hlutfallsdeild

Á ársfundi Lífeyrissjóðs bankamanna sem var haldinn 26. mars 2014 kom fram að tryggingafræðileg staða Hlutfallsdeildar var neikvæð um 9,72% í árslok 2013.  Á fundinum voru greidd atkvæði um tillögu að réttindabreytingu og var samþykkt að leiðrétta tryggingafræðilega stöðu deildarinnar í einu skrefi. 

Fjármálaráðuneytið hefur nú með bréfi til Lífeyrissjóðs bankamanna, dags. 28. nóvember 2014, staðfest breytingar á samþykktum sjóðsins.  Réttindabreyting Hlutfallsdeildar kemur nú til framkvæmda og verður árleg réttindaávinnsla í fullu starfi eða hlutfall eftirlauna því 1,92% í stað 2,125% áður.  Breytingin hefur áhrif á lífeyrisgreiðslur deildarinnar frá og með janúar 2015.

Bréf hafa verið send til sjóðfélaga með nánari skýringum.

Jafnframt má sjá bréfin hér:
Bréf til sjóðfélaga sem taka lífeyri frá Hlutfallsdeild.
Bréf til sjóðfélaga sem greiða iðgjöld til Hlutfallsdeildar og/eða eiga geymd réttindi.