Sjóðfélagalán með föstum vöxtum

Stjórn Lífeyrissjóðs bankamanna hefur ákveðið að frá áramótum verði ný sjóðfélagalán veitt með föstum vöxtum sem haldast óbreyttir út lánstímann. Þetta dregur úr óvissu lántaka sem vita þá hvaða vextir gilda út lánstímann óháð því vaxtastigi sem ríkir hverju sinni. Eftir sem áður getur afborgunarferlið verið með tvennum hætti, annars vegar með jöfnum greiðslum (annuitet) út lánstímann og hins vegar með jöfnum afborgunum af höfuðstól. Fastir vextir verðtryggðra lána eru í dag 3,5% en stjórn sjóðsins tekur ákvörðun um fasta vexti á verðtryggðum lánum á hverjum tíma.