Örorkulífeyrir

Örorkulífeyrir veitir fjárhagslegt öryggi þegar starfsgeta skerðist vegna varanlegrar örorku.

Um örorkulífeyri

Sjóðfélagi sem verður ófær um að gegna starfi sínu, að hluta eða öllu leyti, á rétt á örorkulífeyri að undangengnu mati trúnaðarlæknis sjóðsins.

Við umsókn er skylt að veita stjórn sjóðsins allar nauðsynlegar upplýsingar um heilsufar til að meta rétt til örorkulífeyris.

Réttindi geta verið mismunandi eftir því hvort sjóðfélagi er í Hlutfallsdeild eða Aldursdeild.

  • Nánari upplýsingar um örorkulífeyri í Hlutfallsdeild er að finna í 12. grein samþykkta sjóðsins.
  • Fyrir Aldursdeild (áður Stigadeild) er það í 21. grein samþykkta sjóðsins.

Hlutfallsdeild

Sjóðfélagi á rétt á örorkulífeyri ef:

  • Hann hefur greitt iðgjöld í Hlutfallsdeild í minnst 3 ár af síðustu 4 árum og í 6 mánuði á undangengnu ári.
  • Trúnaðarlæknir sjóðsins metur örorku að minnsta kosti 10%.

Hámark örorkulífeyris er jafn rétti til ellilífeyris sem sjóðfélagi hefði fengið ef hann hefði starfað til 65 ára aldurs. Ef skilyrði um greiðslur eru ekki uppfyllt, miðast örorkulífeyrir við áunnin réttindi.

Örorkulífeyrir fellur niður við 65 ára aldur eða þegar taka eftirlauna hefst.

Aldursdeild

Sjóðfélagi á rétt á örorkulífeyri ef:

  • Hann hefur greitt iðgjöld í Aldursdeild í minnst 2 ár.
  • Trúnaðarlæknir sjóðsins metur örorku að minnsta kosti 40%.

Útreikningur örorkulífeyris:

  • Byggir á stigum sem sjóðfélagi hefur áunnið (sjá 18. grein samþykkta).
  • Ef hann hefur greitt í minnst 3 ár af síðustu 4 árum eða í 6 mánuði á undangengnu ári, bætast við stig sem hann hefði áunnið til 65 ára aldurs, miðað við meðaltal næstu þriggja almanaksára fyrir orkutapið.

Takmörkun:

  • Örorkulífeyrir + barnalífeyrir má aldrei vera hærri en sannanlegur tekjumissir vegna örorku.
  • Örorkulífeyrir fellur niður við 67 ára aldur eða þegar taka eftirlauna hefst.