04.12.2017

Lífeyrissjóður bankamanna (Hlutfallsdeild) hefur orðið af að minnsta kosti 3 milljörðum króna vegna uppgjörs árið 1997 sé miðað við raunþróun forsendna sem lágu uppgjörinu til grundvallar. Dómkvaddur matsmaður hefur skilað matsgerð um greiðslur aðildarfélaga Eftirlaunasjóðs starfsmanna Landsbankans og Seðlabankans (nú Lífeyrissjóðs bankamanna) vegna samkomulags frá árinu 1997 um uppgjör ábyrgðar þeirra á skuldbindingum lífeyrissjóðsins, sem gert var vegna fyrirhugaðrar hlutafjárvæðingar ríkisbankanna.

06.07.2017

28.04.2017

Ársfundur Lífeyrissjóðs bankamanna var haldinn á Icelandair Hotel Reykjavik Natura þann 26. apríl síðastliðinn og hófst kl. 17. Fundarstjóri var kjörin Hinrik Greipsson og ritari fundarins var Pálmi Rögnvaldsson. Fundargerð ársfundar verður aðgengileg hér innan skamms.

28.03.2017
Ársuppgjör Lífeyrissjóðs bankamanna fyrir árið 2016 liggur nú fyrir og er ávöxtun deilda ólík og endurspeglar ólíka fjárfestingarstefnu þeirra. Hrein nafnávöxtun Hlutfallsdeildar nam 5,3% á árinu 2016 sem samsvarar 3,3% hreinni raunávöxtun samanborið við 4,5% á árinu 2015. Í Aldursdeild nam hrein nafnávöxtun 1,9% sem samsvarar -0,12% hreinni raunávöxtun samanborið við 7,8% á árinu 2015.

28.03.2017
Lántökugjald við töku sjóðfélagalána hjá Lífeyrissjóði bankamanna er föst krónutala, eða 52.500 kr. frá og með 28. mars.

21.03.2017
Ársfundur Lífeyrissjóðs bankamanna verður haldinn miðvikudaginn 26. apríl næstkomandi kl. 17.00. Fundurinn verður haldinn á Icelandair Hotel Reykjavík Natura, Þingsal 2-3.

01.03.2017

Opnaður hefur verið nýr upplýsingavefur á vegum Landssamtaka lífeyrissjóða þar sem finna má fjölbreyttar upplýsingar og fróðleik um allt sem tengist lífeyrismálum. Þá hafa Landssamtökin jafnframt opnað facebook síðu undir sama nafni.

23.02.2017
Hæstiréttur hefur staðfest úrskurð Héraðsdóms Reykjavíkur frá  12. janúar þar fallist var á beiðni Lífeyrissjóðs bankamanna um dómkvaðningu matsmanns. Íslenska ríkið hafði kært þann úrskurð og krafist þess að matsbeiðninni yrði hafnað en ekki var fallist á þá kröfu.

28.01.2017
Þann 25. janúar s.l. barst Hæstarrétti kæra frá ríkislögmanni þar sem úrskurði Héraðsdóms Reykjavíkur frá 12. janúar er skotið til Hæstaréttar, en í þeim úrskurði féllst Héraðsdómur á beiðni Lífeyrissjóðs bankamanna um dómkvaðningu matsmanns. 

12.01.2017

Í dag kvað Héraðsdómur Reykjavíkur upp úrskurð þar sem fallist er á beiðni Lífeyrissjóðs bankamanna um að dómkvaddur verði matsmaður til þess að meta tiltekin atriði í tengslum við uppgjör á ábyrgð aðildarfélaga á skuldbindingum Hlutfallsdeildar frá 1998.

15.11.2016

Stjórn Lífeyrissjóðs bankamanna hefur ákveðið að leiðrétta þá hækkun á höfuðstól verðtryggðra sjóðfélagalána sem tekin voru á tímabilinu 1. maí til 31. október, meðan neysluvísitalan var rangt reiknuð af Hagstofunni vegna mistaka. Með þessu vill lífeyrissjóðurinn að eigin frumkvæði leitast við að tryggja að sjóðfélagar, sem tóku verðtryggð lán á umræddu tímabili, verði ekki fyrir tjóni vegna þessara mistaka Hagstofunnar.

Lífeyrissjóðurinn mun á næstu vikum, reikna út og greiða mismuninn inn á höfuðstól lánanna. Fyrirséð er að einhvern tíma mun taka að framkvæma leiðréttinguna en lántakendur munu fá tilkynningu um innborgunina þegar að henni kemur.

24.10.2016

Matsbeiðni Lífeyrissjóðs bankamanna, sem lögð var fram til að staðreyna fjárhagslegt umfang á tjóni sem sjóðfélagar Hlutfallsdeildar telja sig hafa orðið fyrir, var mótmælt af ríkislögmanni auk þriggja annarra matsþola, Landsbankanum, RB og Landsvaka, við fyrirtöku hjá Héraðsdómi Reykjavíkur á föstudag og þess krafist að beiðninni verði hafnað.